Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ижтимоий тармоқларда Катта Амиробод МФЙ Довчар қишлоғида жойлашган 19-умумтаълим мактабининг филиали, деб келтирилган бино-иншоот билан боғлиқ ҳолат бўйича расмий муносабат
2022-11-04 15:27:04 409
Ижтимоий тармоқларда Катта Амиробод МФЙ Довчар қишлоғида жойлашган 19-умумтаълим мактабининг филиали, деб келтирилган бино-иншоот билан боғлиқ ҳолат туман ҳокими, туман прокурори ҳамда тегишли масъуллар иштирокида жойига чиқиб ўрганилди.
Ўрганиш натижасига кўра, ушбу бино ҳашар йўли билан қурилган бўлиб, ҳақиқатдан ҳам 2014 йилгача 19-умумтаълим мактабининг бошланғич синфлар учун мўлжалланган филиали сифатида фаолият юритган.
2014 йилда Давлат архитектура қурилиш назорати инспекцияси томонидан объектнинг фойдаланишга яроқсизлиги бўйича берилган хулосага асосан, ўқувчилар хавфсизлигини таъминлаш мақсадида филиал фаолияти тўхтатилган ва таълим жараёни 19-умумтаълим мактабининг асосий биносига кўчирилган.
Объектни ҳудуд демографик ҳолатидан келиб чиқиб, қувватини оширган ҳолда қайта реконструкция қилиш учун мавжуд майдон ҳажми камлиги (600 кв.м.) сабабли, Данғара тумани ҳокимининг 2015 йил 27 октябрдаги 874-сонли қарори асосан шу ҳудуддан умумий майдони 1500 кв.м бўлган, ҳашар йўли билан қурилган бино-иншоотлар 19-умумтаълим мактабининг филиалини ташкил этиш учун бириктириб берилган ҳамда ушбу ҳудудга замонавий ўқув биноси қуриш бўйича тегишли юқори турувчи органга таклиф киритилган.
Шундан сўнг, сақлаб туришга эҳтиёж йўқлиги сабабли, собиқ филиал биноси Данғара туман ҳокимининг 2019 йил 21 июндаги 2603-сонли қарорига асосан заҳирага олиниб, Давлат активларини бошқариш агентлиги томонидан 2020 йилда e-auksion.uz порталида очиқ аукцион орқали тадбиркор фаолиятини ташкил этиш учун сотилган.
